دنا حوا وهو.....أدم
كان بيدور عليا وكنت بدور عليه
كان عمره في ايدية وأتاري عمري كان في إيديه
هو اللي كان زمان ولسة لدلوقت ماسك قلبي بإيديه
راهن روحي لديه
وأنا ورا قضبان رغباته مسجونة
وبين رموشه السودا أسيرة
ملهوفة... مشغوفة...منتظرة
منه كلمة...نظرة..رسالة
أو حتي طلة من بعيد
بس هو كان حاله حال تاني
بيجمع حواليه قلوب كمان مع قلبي الغالي
عاملهم سبحة حضرته
بين صوابعه واحد ورا التاني
عامل روميو عامل عنترة
والغلطة في الأصل غلطة المغفلة
غلطتي أنا
بإيديه سلمته قلبي
وبنفسي جوة عينيه سجنت روحي
وسلمته كــــل مفاتيحي
لكن...لا
واللي خلقني حوا وهو أدم
لأحرر نفسي منه ومن غيره
و أرجع سلطانة زماني
الأمر أمري وأنا فوق علي عرشي
لأرجع تاني بنظرة من بين رموشي
أدوخه ..أدهوله
أركعه علي ركبته ..تـــانـي..
يطلب السماح وينتظر الصباح
دنا حوا وهو......أدم
موضوع: دنا حوا وهو.....أدم... 
الخميس ديسمبر 08, 2011 8:46 am